影片
更多
2012-03-23
70 浏览
其实我要讲返嘅系前年情人节嘅事，记得当时小弟睇咗本杂志，系介绍几间高级及出名嘅蛋糕店，其中就有此店。当时系介绍佢玫瑰花做形蛋糕，我见整得颇靓，加上相比其他店，佢嘅价格收费略平宜 (都要310银一个)，所以谂住嚟紧嘅情人节买返个嚟氹下老婆但忘记早些少去订，到前两日至打电话去时，店方称因太多订单做唔切，所以要截单，哗...当时心急如焚之际，店员话当日可以早上去试下可能有客会唔要，咁就可以卖畀我。到情人节当日一早，已忘记9点定10点，一大早冲去等开门，我之后都有几个似我嘅表面「老定」，内心担心到不得了嘅傻瓜跟队；哈哈之后不断以善慕嘅眼神，望住其他人嚟攞该款蛋糕走，𠮶种期盼而失落嘅心情，到现在仍铭记在心呀终于，喺六合彩中唔到，但约个多小时后，个女店员通知我，有个客订咗个粉红色嘅唔会要，问我要唔要㖞，我当时几乎感动落泪，感激上天赐予我的幸运。于是二话不说，乖乖放低钱，好似中咗奖咁，含泪地小心翼翼攞住个靓靓蛋糕走人；临走时仲偷偷以胜利嘅眼神，偷望到我后便几个傻瓜，同样以善慕嘅眼神望住我离开；嘻嘻嘻当怀住喜悦嘅心情，同老婆、外父、外母、姨仔打开个靓靓玫瑰花蛋糕，众人均赞叹其美丽之造形及精湛嘅手工，并
当时系介绍佢玫瑰花做形蛋糕，我见整得颇靓，加上相比其他店，佢嘅价格收费略平宜 (都要310银一个)，所以谂住嚟紧嘅情人节买返个嚟氹下老婆
但忘记早些少去订，到前两日至打电话去时，店方称因太多订单做唔切，所以要截单，哗...当时心急如焚之际，店员话当日可以早上去试下可能有客会唔要，咁就可以卖畀我。
到情人节当日一早，已忘记9点定10点，一大早冲去等开门，我之后都有几个似我嘅表面「老定」，内心担心到不得了嘅傻瓜跟队；哈哈
之后不断以善慕嘅眼神，望住其他人嚟攞该款蛋糕走，𠮶种期盼而失落嘅心情，到现在仍铭记在心呀
终于，喺六合彩中唔到，但约个多小时后，个女店员通知我，有个客订咗个粉红色嘅唔会要，问我要唔要㖞，我当时几乎感动落泪，感激上天赐予我的幸运。于是二话不说，乖乖放低钱，好似中咗奖咁，含泪地小心翼翼攞住个靓靓蛋糕走人；临走时仲偷偷以胜利嘅眼神，偷望到我后便几个傻瓜，同样以善慕嘅眼神望住我离开；嘻嘻嘻
当怀住喜悦嘅心情，同老婆、外父、外母、姨仔打开个靓靓玫瑰花蛋糕，众人均赞叹其美丽之造形及精湛嘅手工，并分分拍照后，就好唔舍得咁分咗个约一磅嘅小玫瑰花嘞
当各人食咗一啖之后均木无表情，亦无人讲嘢，我自己都知系咩一回事...
呢个蛋糕真系几靓，再加上成三百蚊一磅嘅价钱，竟换嚟平平无奇嘅味道，啲玫瑰花瓣系用糖做，啲蛋糕只系加咗些少生果粒嘅雪方蛋糕嚟... 𠮶种味道有几「美味」？相信都唔须要我形容...亦唔识形容...唉...唉...唉...！！！
张贴