影片
更多
2021-05-17
1360 浏览
假日一家人难得外出用膳，一行3人选了屋企附近开咗好多年但从未帮衬过嘅西餐厅，外表装潢高级，价钱同样不便宜，但一个礼拜一次都唔计较啦！到达时正处于晚饭繁忙时间，但餐厅只系半满，恤衫中年男职员（应该系经理）安排咗我哋坐一个中间四人枱，但眼见侧边四人梳化位仲有几张吉咗出嚟，但又冇放「留坐」嘅牌，奇怪为何唔安排我哋坐较舒适嘅位置呢？为咗唔想麻烦所以都逆来顺受算了，当点完餐后发现身傍有几只蚊喺度徘徊，拨极都唔走，终于忍唔住向职员要求调离蚊虫聚集嘅地方，最后安排调过去4人梳化位，咁点解唔一早俾我哋坐呢？❓❓❓🤷🏿♂️❓❓❓(黑人问号)【 食物 】我哋总共叫咗前菜鸡翼、纽西兰肉眼扒、蟹肉 Pasta、海鲜 Risotto 同啤酒，除咗鸡翼有惊喜之外，其他都不值一提。🍝Pasta 酒味太浓，个人唔喜欢...🥩肉眼扒好细旧而且有点 overcook，而 side dish 嘅薯条同老麦一样质感同味道🍟 个蘑菇 sauce 同 KFC 蘑菇饭汁100% match...一次过食晒老麦同 KFC，终极败笔之首😑🥘Risotto 嘅酱汁我都麻麻地，但同行一位经常要到外国公干嘅家人则认为「鬼佬口味」系咁属正常
到达时正处于晚饭繁忙时间，但餐厅只系半满，恤衫中年男职员（应该系经理）安排咗我哋坐一个中间四人枱，但眼见侧边四人梳化位仲有几张吉咗出嚟，但又冇放「留坐」嘅牌，奇怪为何唔安排我哋坐较舒适嘅位置呢？为咗唔想麻烦所以都逆来顺受算了，当点完餐后发现身傍有几只蚊喺度徘徊，拨极都唔走，终于忍唔住向职员要求调离蚊虫聚集嘅地方，最后安排调过去4人梳化位，咁点解唔一早俾我哋坐呢？
❓❓❓🤷🏿♂️❓❓❓(黑人问号)
【 食物 】
我哋总共叫咗前菜鸡翼、纽西兰肉眼扒、蟹肉 Pasta、海鲜 Risotto 同啤酒，除咗鸡翼有惊喜之外，其他都不值一提。
🍝Pasta 酒味太浓，个人唔喜欢...
🥩肉眼扒好细旧而且有点 overcook，而 side dish 嘅薯条同老麦一样质感同味道🍟 个蘑菇 sauce 同 KFC 蘑菇饭汁100% match...一次过食晒老麦同 KFC，终极败笔之首😑
🥘Risotto 嘅酱汁我都麻麻地，但同行一位经常要到外国公干嘅家人则认为「鬼佬口味」系咁属正常，可能系我港灿口味问题啩...
【 服务 】
可能因为冇乜客，东南亚睿职员多次想收起枱上未食完嘅碟，搞到场面有点尴尬，不过全程都有礼貌嘅，反转谂都好过d乜都唔做企埋一二角蛇王嘅职员嘅⋯
⚠️最令人匪夷所思同不能接受嘅系店内上网极其缓慢，尝试过两个电讯公司网络都收唔到，好似同外界断绝联络咁，但当行出门口半步即刻回复正常，百思不得其解😰
总结，埋单差唔多 $900 但我唔会再 encore🙅🏻♀️🙅🏻 前一个街口嘅 LG 小店无论块扒同 pasta 都高质过佢又平过佢😒
*思前想后，正在纠结应该比「OK」定「劣评」，但谂深一层疫情期间生意难做，都系手下留情...
张贴
