影片
更多
2019-08-26
42 浏览
今日问同事喺屯门有乜嘢非连锁式嘅西餐推介，同事二话不说就推介咗虹桥嘅呢一间西餐小店，今日要喺屯门开饭，就走过嚟试下。餐厅环境相当具格调，以虹桥嘅餐厅嚟讲实属少见，估唔到喺虹桥都食得到fine dine嘅格局。首先送嚟嘅系餐汤同埋沙律，分别系鳕鱼南瓜汤同埋烟蜜火腿沙律，餐汤同沙律用咗一个好特别嘅器皿嚟盛载，未食都已经开心咗先。先试一啖餐汤，南瓜味浓，口感浓稠，最正嘅系佢入面真系有一粒粒嘅鳕鱼，认真真材实料；沙律菜够哂新鲜，沙律汁微酸，十分开胃。泰式辣烟三文鱼，我哋另外仲加咗个小食，呢一道富有fusion意味嘅泰式辣烟三文鱼令人非常赞叹，个酱汁有少少似泰式生虾𠮶个酱汁，估唔到配落烟三文鱼度都同样出色，令人欲罢不能。菠菜忌廉鸡肉巴马火腿意大利面，意大利面系阔身𠮶只，能够让面条挂上更多嘅酱汁，鸡肉出奇地咁嫩滑，特别钟意佢面头有为数不少嘅parmesan cheese，令整个食味更加丰富。美国极佳级安格斯牛肉眼，Prime grade嘅肉眼扒牛味果然特别强，厨师将肉眼两边煎得香脆， 只系简单咁样洒上少少盐同埋黑椒调味已经相当好食，点一点随附嘅肉汁，又系另一种食法； 另外令我好impressed
今日问同事喺屯门有乜嘢非连锁式嘅西餐推介，同事二话不说就推介咗虹桥嘅呢一间西餐小店，今日要喺屯门开饭，就走过嚟试下。
餐厅环境相当具格调，以虹桥嘅餐厅嚟讲实属少见，估唔到喺虹桥都食得到fine dine嘅格局。
首先送嚟嘅系餐汤同埋沙律，分别系鳕鱼南瓜汤同埋烟蜜火腿沙律，餐汤同沙律用咗一个好特别嘅器皿嚟盛载，未食都已经开心咗先。先试一啖餐汤，南瓜味浓，口感浓稠，最正嘅系佢入面真系有一粒粒嘅鳕鱼，认真真材实料；沙律菜够哂新鲜，沙律汁微酸，十分开胃。
泰式辣烟三文鱼，我哋另外仲加咗个小食，呢一道富有fusion意味嘅泰式辣烟三文鱼令人非常赞叹，个酱汁有少少似泰式生虾𠮶个酱汁，估唔到配落烟三文鱼度都同样出色，令人欲罢不能。
菠菜忌廉鸡肉巴马火腿意大利面，意大利面系阔身𠮶只，能够让面条挂上更多嘅酱汁，鸡肉出奇地咁嫩滑，特别钟意佢面头有为数不少嘅parmesan cheese，令整个食味更加丰富。
美国极佳级安格斯牛肉眼，Prime grade嘅肉眼扒牛味果然特别强，厨师将肉眼两边煎得香脆， 只系简单咁样洒上少少盐同埋黑椒调味已经相当好食，点一点随附嘅肉汁，又系另一种食法； 另外令我好impressed 嘅系佢嘅薯条排列得好整齐，叠到好似层层叠咁样，足见餐厅对出品嘅用心。
虹桥嘅餐厅我都食过唔少，呢间都可以话系数一数二，值得一试。
张贴
