嘆撈

营业中

休息中

今晚又来食虹桥我至爱之一既叹捞，但今次唔叫佢哋出名嘅凉皮，天气冻冻地，想试下碗热辣辣嘅酸辣红薯粉。外卖拎走喺屋企慢慢叹。五宝卤水拼盘$56五宝有莴笋、牛柏叶、金钱肚、鸭肾、鹿茸菇，另外跟配自家调制辣油，唔算好辣但好惹味。鸭肾鲜嫩带脆好有弹性，牛柏叶同金钱肚爽口又唔韧，莴笋食得太薄，食唔到爽脆感。鹿茸菇好大条，爽口。酸辣汤红薯粉$33重庆酸风味辣汤，酸酸辣辣，超级重口味，好钟意。里边有芫茜、花生粒、炸黄豆粒、少少肉碎，红薯粉爽滑弹牙，烟烟韧韧，好正，好正宗！椰汁西米露 跟餐加$10椰汁唔会太甜，啱啱好，椰汁够香。西米露大大粒，粒粒分明，有少少弹性，咬口。跟餐只系加$10，抵玩。