影片
更多
2014-05-19
3994 浏览
潮人表弟来港工作已近三年，出名爱蒲，对年轻人o既新蒲点更可称得上系无一不知。佢今年升咗职，加咗人工，所以特意约肥肥家族去佢认为今期为最潮o既西餐厅la vache「锯扒」，顺道为小肥表哥同姨妈庆祝生日；佢咁有心，我地一家四口真系好感动 。潮表弟所拣选o既la vache都几隐蔽，大中小三肥用齐三部智能手机揾咗成五分钟都揾唔到 ，结果要向警察叔叔问路先知原来卑利街横越一条楼梯，而餐厅就喺楼梯底隔两个舖位；即系话，如果坐的士，喺士丹顿街落车，大家应行落楼梯；如果喺荷李活道落车，则要行上少少斜坡；个人觉得后者路程较短及安全。当晚喺斜坡上行咗不少冤枉路，大肥爸爸及双脚较弱o既妈咪入到扒房都已经攰哂 。La vache不设订位服务，不过我地𠮶日好好彩，八点钟咁啱有张六人枱，仲要系全厅最正o既一角梳化櫈，虽然室内气氛较嘈，但两老总算坐得舒舒服服。潮点果然系潮点，帮衬o既全部都系年青人，全店最年长就系家父同家母 。店内灯光柔和，大肥就略嫌昏暗，座位舖排非常简单，店舖中央为酒吧及十二个座位，食客可于酒吧区域净饮或用膳，而其他散座则全部靠墙及围绕住酒吧三面，其中靠墙座位全为红色o既梳化櫈，最为舒
潮表弟所拣选o既la vache都几隐蔽，大中小三肥用齐三部智能手机揾咗成五分钟都揾唔到 ，结果要向警察叔叔问路先知原来卑利街横越一条楼梯，而餐厅就喺楼梯底隔两个舖位；即系话，如果坐的士，喺士丹顿街落车，大家应行落楼梯；如果喺荷李活道落车，则要行上少少斜坡；个人觉得后者路程较短及安全。
当晚喺斜坡上行咗不少冤枉路，大肥爸爸及双脚较弱o既妈咪入到扒房都已经攰哂 。La vache不设订位服务，不过我地𠮶日好好彩，八点钟咁啱有张六人枱，仲要系全厅最正o既一角梳化櫈，虽然室内气氛较嘈，但两老总算坐得舒舒服服。潮点果然系潮点，帮衬o既全部都系年青人，全店最年长就系家父同家母 。店内灯光柔和，大肥就略嫌昏暗，座位舖排非常简单，店舖中央为酒吧及十二个座位，食客可于酒吧区域净饮或用膳，而其他散座则全部靠墙及围绕住酒吧三面，其中靠墙座位全为红色o既梳化櫈，最为舒适。
服务生们同食客们年龄相约，全部都系后生仔女，大多以英语沟通；佢地虽然唔系特别友善，但态度又唔可以话好恶劣，客观地讲，只谈得上为一般啰。卫生方面，妈咪希望细佬提出一点，就系洗手间为男女同厕，异味及地面湿滑程度令佢感觉不大卫生 ，建议餐厅会对此有所改善。
表弟约食饭时已经讲咗比我地知la vache全店只提供一款套餐；餐厅将其内容印于餐垫上，不过只提供英文版及法文版。每位食客必需要order一客套餐，每份都包咗面包、沙律、牛扒及薯条，落单流程十分简单，因顾客只可以选择牛扒o既生熟程度。
面包：面包外皮韧咗少少，不过包心总算系暖，OK啦。
沙律：小肥本身已经唔钟意食菜，所以个套餐硬系要迫细佬食一大碟冇乜沙律酱而味道劲酸o既沙律，个心同个胃都唔系太爽 ！餐厅应该考虑比客人选择要唔要沙律（唔要沙律当然系要平啲啦）、沙律o既大小、沙律酱o既份量及种类。
Entrecôte ''la vache''（$258）：正如落单所叫，牛扒属medium rare，肉质尚算软腍，但系我地五人都觉得牛肉偏涷 ，唔够热，故此未能取悦肥肥家族。
薯条：套餐中XO仔最欣赏啲薯条，又幼又热又松软，最重要系任食，食完可以再添，而且每次都咁新鲜，可以话系全晚之最 。
食物得一款，不过饮品就有得拣，包括汽水、鸡尾酒、白酒、红酒、烈酒等。设计成一本记事薄o既饮品餐牌由于用纸造，所以唔系好噤，容易污糟同烂，小弟冇洁癖，不过摸完都要用湿纸巾抹一抹手 。话明系庆生，表弟好爽快地开咗枝价值$348，餐厅取得专利o既红酒BTL La Vache, B.V. 2011，等大家高兴吓；唔饮红酒o既小肥表哥就叫咗杯$98，同样系红色o既香槟鸡尾酒作碰杯之用。
我地五个人，每人都叫咗一客甜品，充当生日饼咁话 。Tarte Tatin（$98）：由苹果批演变出黎o既Tarte Tatin，面层o既苹果蓉好清甜软腍，小肥只系嫌个批底唔够香脆。
Paris Brest（$98）：依味Paris Brest个泡芙皮同内层唔够脆、唔够松，忌廉夹心又唔够香滑，质感较嚡同粗，整体非常饱滞，系五款甜品中最唔好食o既一款 。
Croque en Bouche（$78）：被焦糖浆锁住o既三个球状泡芙超级甜脆，个心好软熟，系五款甜品中最美味o既一款 。
Eclairs（$78）：Eclairs只可以话系中规中矩，问题都系个忌廉夹心唔够香滑，泡芙外层唔够松脆。
Clafoutis（$78）：记忆中Clafoutis系热食o既，餐厅所提供o 既Clafoutis唔冻唔热，属室温，食落有少少怪怪，而且味道偏酸，个人绝不推介啰！
平心言论，晚餐时段$258 + 10%一份牛扒餐，除咗牛扒之外，仲有面包、沙律、及无限量供应薯条，价钱其实好吸引，无奈la vache无论系服务、卫生、以及最重要o既食物质素（尤其系主角牛扒！）都唔系好理想，依个价钱就变得唔多值啰 ！
张贴
