影片
更多
2022-07-10
1298 浏览
在一个炎热嘅夏天喺拉面店门口，等待食拉面真系一个煎熬。好在等待嘅时候系一个夜晚唔会好似晏昼咁晒。拉面店非常近奥运地铁站。一出到汇丰银行大厦近门口就会见到呢一间大院拉面店。入面嘅厨师都系日本人。记得等咗大概30分钟左右就已经有得入去食，不过好在嚟得早，原来我哋已经差唔多系最后一台客人。喺拉面店食完出嚟就见到佢哋摆左一个告示牌，话个汤底已经卖晒啦。入到去嘅时候见到店面好细，都系吧枱形式嘅装修。所以其实张凳亦都几高，而且每张凳嘅底亦都有个篮，可以俾客人放低自己嘅随身物品。开放式嘅厨房可以令客人见到厨师料理既过程。喺排队𠮶阵时我哋已经点好咗要食个拉面先。所以基本上系一入到去已经有得食，唔使等太耐。我点嘅一款就系白汤，当中成个拉面系根据个图片去制成。图片真系可以当作参考非常开心。店内亦有提供嘅冰麦茶比客人自己斟嚟饮，如果客人要饮汽水嘅话就要加钱。汤底非常浓郁油光喺汤面上面飘浮。中间摆放左一块柠檬，所以我觉得有柠檬嘅加持，个汤底都尚算系清新。紫菜一共有两块、叉烧有三块、蛋有半个同埋有大量嘅蔬菜。由于佢俾嘅面非常足料，所以我食到一半已经饱左，剩低嘅个一半我要慢慢一啖茶一啖面咁样食。个半熟糖心蛋有淡淡
拉面店非常近奥运地铁站。一出到汇丰银行大厦近门口就会见到呢一间大院拉面店。入面嘅厨师都系日本人。记得等咗大概30分钟左右就已经有得入去食，不过好在嚟得早，原来我哋已经差唔多系最后一台客人。喺拉面店食完出嚟就见到佢哋摆左一个告示牌，话个汤底已经卖晒啦。
入到去嘅时候见到店面好细，都系吧枱形式嘅装修。所以其实张凳亦都几高，而且每张凳嘅底亦都有个篮，可以俾客人放低自己嘅随身物品。
开放式嘅厨房可以令客人见到厨师料理既过程。喺排队𠮶阵时我哋已经点好咗要食个拉面先。所以基本上系一入到去已经有得食，唔使等太耐。
白汤拉面
$88
32 浏览
0 赞好
0 留言
我点嘅一款就系白汤，当中成个拉面系根据个图片去制成。图片真系可以当作参考非常开心。
店内亦有提供嘅冰麦茶比客人自己斟嚟饮，如果客人要饮汽水嘅话就要加钱。汤底非常浓郁油光喺汤面上面飘浮。中间摆放左一块柠檬，所以我觉得有柠檬嘅加持，个汤底都尚算系清新。紫菜一共有两块、叉烧有三块、蛋有半个同埋有大量嘅蔬菜。由于佢俾嘅面非常足料，所以我食到一半已经饱左，剩低嘅个一半我要慢慢一啖茶一啖面咁样食。个半熟糖心蛋有淡淡的豉油味，叉烧浸泡喺汤中，完全索足晒汤入面嘅精华。面底我拣咗软身幼面，因为我一向都觉得咁样嘅面底系非常之入味。
食拉面嘅精髓，就系要一啖配菜加少少汤，配上一啖面咁样食，当然呢一个唔系硬性规定。而且我见到佢配料架𠮶度亦都有其他嘅调味料，所以我都加咗少少蒜泥落去。
呢间拉面店好有趣，唔单止有七味粉、蒜泥同芝麻呢一啲传统嘅调味料，亦都有埋黑胡椒。我喺其他拉面店就比较少见到有黑胡椒呢个调味嘅。同埋拉面店亦都好贴心咁喺每一个调味架𠮶度摆上一包纸巾。
食饱之后，就去咗埋单，回头一看发现佢哋嘅装修都几有心思：
根据佢哋嘅员工讲，原来呢啲装修设计都系佢哋亲手切出嚟。呢度既模型仲系由日本𠮶度拎过嚟。可以睇得出佢哋对呢间拉面舖真系落咗好多嘅心思。
收到张单之后，佢哋仲送咗一张印花卡俾我哋，贴纸相嘅漫画图案充满着童真。我地一共四个人，今次每个人平均食咗$91。成间拉面店充满着惊喜同埋平凡嘅日常。惊喜在于，图文相符，汤底好浓郁而且有少少咸。调味料有新嘅口味可以选择：黑胡椒。汤嘅中央有一片柠檬，有清新嘅感觉。
张贴
