峇峇娘惹 (MOSTown新港城中心(4期)) (已結業)

第一次帮衬，虾球炒贵刁，中午外卖自取，饮品要热青桔水，饭盒系比较细个种发泡胶，回去一开盒，系塞得比较满，但面层只见一只细虾，见个样心一凉知道多数中伏，唔系少既问题，系同我认知既虾球完全两回事，倒不如话系虾仁多条尾壳，食落去果然。。哎，求其一间茶餐厅食滑蛋虾仁饭个种淡而无味滑lulu既质素，一般你写得虾球系咪有些工夫，调味炒香、叶香或炸呢? 最终找到4小只淡而无味虾仁，炒贵刁本身比较油，微辣，一般水准，有些牙菜和蛋丝，无乜所谓马拉风味，而且似河粉唔觉自己食紧贵刁，稍为有d获气既干炒牛河都好食过他，最后杯青桔水，咸加微酸的，OK，饮完再吃几粒青桔的清新酸味，反而系成个用餐过程最好味，总括份量偏小，我食量咁低既人都系勉强8成饱，其实好难叫人帮衬第二次，62蚊给人咁既野，我系老板多数会即时炒左个厨师，或者等心情好比多次机会试第款。