Frozen Fruit (已結業)

我爱人话想试下热狗，于是去间新店买比佢食。点知一去门口已经好多人等紧，大家都系等热狗。店员话要等二十分钟先有，为左食唯有等下，比左钱佢会比左英文字母既卡你，用黎一阵罗食物。见天口热，叫左热狗之外，仲叫左杯玫瑰果茶。杯茶系茶包冲成，感觉无咩特别，唔会特别香，饮左之后又唔会好解渴，不过就唔甜既。至于主角热狗，个包有焗脆，肠仔用司华力肠，外面好似都有烤下，不过食落佢好似比人渌熟多d，完全风味唔同晒，纵使佢加左芝士、蕃茄酱、芥末酱，都系扣分。间铺无咩其他野食，见到佢岩岩开张，星期一又无开铺，可能好快做唔住！