蛇竇茶記 (德輔道西)

营业中

休息中

「蛇窦」都开咗好耐，嚟过西环唔少次，成日心思思想试但唔系经常嚟食。因为一时可以好多空位坐、一时可以全店满座。今晚嚟碰一碰运气，睇吓有冇位，好彩有。其实间餐厅装修都几企理，不论外墙地板餐牌都可见有着独特嘅格调、连座椅都系用彷木料。而主餐牌除咗供应一般茶记都有嘅炒粉面饭外，仲有自选汤底+𩠌菜嘅面，不过今晚嘅是日晚餐有一道名叫「咕噜三色球」，一问之下「三色球」系指鸡、鱼、豆卜。听落都几吸引，而且呢度小菜套餐系跟餐饮而唔系例汤，啱哂我，一于试下。一睇个小菜，其实都觉得掂，起码唔会成碟都系油或者汁多过𩠌。先试三色球 ─ 食得出鸡有少少腌味、幸好没阵阵冰鲜鸡雪藏味；鱼都系一般鱼柳；豆卜如是，稍为硬咗啲；三色球炸得香脆、热辣辣、炸粉适中，一啲都唔油腻。而三色球份量亦系各占三分一，冇边一样特别多或少（有啲餐厅会放多啲平又易整嘅食材，好似豆卜）。至于配菜如洋葱、青椒、菠萝亦都有咬口，唔会太生太熟、或者太硬太淋。不得不赞嘅系呢个菜嘅甜酸汁：食呢啲咕噜球，好唔好味嘅关键在于个甜酸汁，而我本身更加唔钟意食得太酸。而呢个汁唔会过甜或过酸，应该话两种味道融为一体，令成道菜生色哂。美中不足嘅系，部电视机放得又高、画