影片
更多
2010-09-28
141 浏览
我之前经过中环机利文新街，见到呢间怀旧茶餐厅，对我哋后辈嚟讲，反而有一份新鲜感；原来呢度就系蛇窦！我分开两个星期六嚟帮衬。第一次：(下午茶) 蛋挞 + 热好立克 $17.5第二次：(午餐) 腿蛋治 + 菠萝包 + 热杏仁霜 $28.5蛋挞：$4.5不论堂食抑或外卖呢度都系同价，出面有茶餐厅堂食贵 $1~ $2。蛋挞烘焗得恰到好处，挞边及挞底无焗㶶！牛油挞皮有牛油香味，挞身够薄；一咬开，见到中间蛋浆份量不少，有蛋香、够滑，亦无小气孔！甜味适中，食起嚟好松化。我始终觉得牛油蛋挞系好食过酥皮蛋挞！因为酥皮蛋挞要做得好，先要条件系酥皮够多层兼要松化！唔系度度食到令人满意嘅酥皮蛋挞。热好立克 ：$13尽管天气有几热以及时间有几赶，我依然坚持饮热饮！因为可以饮出淡奶嘅真正浓度，唔会受冰而影响。冻饮嘅冰会破坏质感，变得水汪汪！以肥肥矮矮嘅杯盛住，慢慢品尝个中味道，奶落得够多，水够热，够带出好立克特有香味！冻好立克未必感受得到！腿蛋治 ：$12我发觉呢度每枱食客都会叫蛋类有关嘅食物，例如：滑蛋虾仁饭、滑蛋叉烧饭、滑蛋牛肉饭、蛋治。蛋治 $11，腿蛋治 $12，唔争在俾多 $1 食埋火腿。 我见同枱女食
我分开两个星期六嚟帮衬。
第一次：(下午茶) 蛋挞 + 热好立克 $17.5
第二次：(午餐) 腿蛋治 + 菠萝包 + 热杏仁霜 $28.5
蛋挞：$4.5
不论堂食抑或外卖呢度都系同价，出面有茶餐厅堂食贵 $1~ $2。蛋挞烘焗得恰到好处，挞边及挞底无焗㶶！牛油挞皮有牛油香味，挞身够薄；一咬开，见到中间蛋浆份量不少，有蛋香、够滑，亦无小气孔！甜味适中，食起嚟好松化。我始终觉得牛油蛋挞系好食过酥皮蛋挞！因为酥皮蛋挞要做得好，先要条件系酥皮够多层兼要松化！唔系度度食到令人满意嘅酥皮蛋挞。
热好立克 ：$13
尽管天气有几热以及时间有几赶，我依然坚持饮热饮！因为可以饮出淡奶嘅真正浓度，唔会受冰而影响。冻饮嘅冰会破坏质感，变得水汪汪！以肥肥矮矮嘅杯盛住，慢慢品尝个中味道，奶落得够多，水够热，够带出好立克特有香味！冻好立克未必感受得到！
腿蛋治 ：$12
我发觉呢度每枱食客都会叫蛋类有关嘅食物，例如：滑蛋虾仁饭、滑蛋叉烧饭、滑蛋牛肉饭、蛋治。蛋治 $11，腿蛋治 $12，唔争在俾多 $1 食埋火腿。
我见同枱女食客叫咗蛋治，起码成 1cm 厚嘅滑蛋，睇到我都心郁！先讲方包，虽然只系普通方包，胜在够软熟，夹蛋果一面搽咗牛油，蛋系滑蛋，但唔算多，亦唔觉油，又有蛋香；当然不及澳洲牛奶公司咁正啦！牛油嘅咸味配合淡味鸡蛋，确实好夹！至于火腿，喺出面有啲茶餐厅嘅火腿冻冰冰，照放落三文治入面。呢度嘅火腿系热嘅，应该系淼过水，表面无油渍亦无煎过嘅痕迹。虽然加咗 $1 多块火腿，但系蛋嘅份量少咗起码一半！
菠萝包 ：$3.5
呢个菠萝包真系好抵食！面头嘅菠萝脆皮明显比其他西饼店嘅更厚！给予我一份惊喜，就系未食已经嗅到一阵清甜菠萝香味！成个菠萝包无落到菠萝片，相信脆皮部分加咗菠萝汁。食落去都有菠萝味，新鲜出炉不久，仲系暖暖地，但略嫌唔够热；包质密度高，食起嚟仍然软熟，外脆内软，无可厚非令人回味！值得推介！
热杏仁霜：$13
同以肥肥矮矮嘅杯盛住，我饮热杏仁霜通常落一茶匙糖，呢度系用糖罂，弃用糖包，虽然环保，但易受潮！我见罂入面有些糖凝结成一大粒。搅匀一饮，先系闻唔到杏仁味，跟住饮唔出杏仁味，饮到底才有些少杏仁味，怕且只系落得一茶匙，难怪好似饮紧奶水！ 如果落够两壳，杏仁味更香更浓又够滑！
我喺度食嘢一阵间，听到有趣嘅暗语：
热好立克 - 「好力」
菠萝油 - 「加油」
几有鼓励作用呀！大家做嘢都会落力啲啦！
张贴
