影片
更多
2013-11-27
730 浏览
3月3日, 趁住仲冻冻地, 就去食下好耐都冇食过嘅蛇羹, 喺中环要数最出名嘅, 一定系蛇王芬~ 由老字号变成而家旅客必到之地, 我地都竟然冇食过, 今之终于可以一尝~::: 蛇羹 ::: $85虽然$85一碗系贵咗d, 直头可以话系游客价, 但系去得蛇王芬又点可以唔食呢? 上枱嘅蛇羹系普通饭碗咁大~ 料都算多, 啖啖都可以食到蛇肉, 加上个羹汤底味都甜甜地, 确实系有水准~ 有甘而不腥嘅味道, 只系有少少蛇嘅膻味, 如果怕嘅就可以加d胡椒粉去遮住d味~ 加上面头仲有d薄脆, 可以增添脆口感~ 虽然系细碗咗d, 有d唔够喉咁, 就当系少食多滋味~::: 蜜瓜瑶柱炖螺头汤 ::: $73每盅汤都系原盅炖, d料多到上盅顶, 用料优质, 又点会唔好味? 感觉就似将所有汤料嘅精华溶晒落汤入面, 汤头清彻得没有半点油光, 鲜甜中带瑶柱螺头浓香, 加上蜜瓜更添滋润! 起初都觉得七十几蚊一个汤贵得离谱, 但饮过至知, 食材用料加上炖汤心机, 绝对值得~::: 鸳鸯肠饭 ::: $50叫多个鸳鸯肠饭, 个饭冇汁好dry, 只系靠腊肠润肠𠮶d油去湿润个饭, 之但系呢2条肠油份都唔多... 所以好睇𠮶d肠
::: 蛇羹 ::: $85
虽然$85一碗系贵咗d, 直头可以话系游客价, 但系去得蛇王芬又点可以唔食呢? 上枱嘅蛇羹系普通饭碗咁大~ 料都算多, 啖啖都可以食到蛇肉, 加上个羹汤底味都甜甜地, 确实系有水准~ 有甘而不腥嘅味道, 只系有少少蛇嘅膻味, 如果怕嘅就可以加d胡椒粉去遮住d味~ 加上面头仲有d薄脆, 可以增添脆口感~ 虽然系细碗咗d, 有d唔够喉咁, 就当系少食多滋味~
::: 蜜瓜瑶柱炖螺头汤 ::: $73
每盅汤都系原盅炖, d料多到上盅顶, 用料优质, 又点会唔好味? 感觉就似将所有汤料嘅精华溶晒落汤入面, 汤头清彻得没有半点油光, 鲜甜中带瑶柱螺头浓香, 加上蜜瓜更添滋润! 起初都觉得七十几蚊一个汤贵得离谱, 但饮过至知, 食材用料加上炖汤心机, 绝对值得~
::: 鸳鸯肠饭 ::: $50
叫多个鸳鸯肠饭, 个饭冇汁好dry, 只系靠腊肠润肠𠮶d油去湿润个饭, 之但系呢2条肠油份都唔多... 所以好睇𠮶d肠嘅质素, 好彩腊肠润肠都非常香, 肠衣薄脆得一咬即破, 腊味丰富, 亦唔会好油腻, 个人觉得润肠比较好味, 配啖白饭都唔错~
不愧为老字号, 炖汤同蛇羹以至腊味都非常有水准, 唔怪之得可以贵为游客必到之处~ 亦可能系呢d老字号嘅关系, 侍应嘅服务都维持喺旧时嘅阶段, 十问九唔应, 落单叫几次先叫到人, 其余时间可以话系冇服务, 如同自助一般... 虽然系咁, 下次仲有机会, 我都会想试下个煲仔饭~
张贴
