甜品老媽 (已結業)

星期六下昼放工游下电车河，搭搭下就去左筲箕湾。夜晚要去睇戏，无咁快有饭食，要揾d野顶下肚先上开饭见到甜品老妈既食评唔错，又近电车站，就去试下。差唔多六点，除左甜品餐牌外，仲有晚餐；不过今日既目标系甜品，主食下次再试。研究左阵，叫左两个share:芒果肠粉依度既其中一个卖点就系甜品唔会太甜、比较健康。试过芒果肠粉就明哂，果然比其他舖既淡好多，但又唔系无味㖞；棷汁做既肠粉皮几香，做得妤滑好弹牙。可惜依家唔系芒果既季节...冻既焦糖炖蛋好钟意依个炖蛋呀 个焦糖好脆又唔系太甜；底下既炖蛋好香好滑，入口好似食紧蛋味既雪糕咁。虽然三十几蚊好似有d贵，但份量唔小，唔系平时食既细细杯，系用一个焗意粉既盘装，两个人食都够哂。