酥妃皇后 (已結業)

屋企楼下商场开左呢间主力卖蛋挞，水准很好，原味蛋挞好得，特别好味，酥皮好松化，D蛋好滑好有蛋香，甜味适中；其次牛角包同叉烧酥都唔错，小donut 的沙糖很足，咬口同味道都几好... 但系销售手法有D问题：由于佢D蛋挞好松化软熟，所以他们设计了一个小透明胶合装住lock好，一盒有两个set好凹位装两个蛋挞，否则好易烂同散。我今次买了3个蛋挞，但当时他们话第三个只能就咁放入普通纸袋，我话个挞咁会烂㖞，你需要俾多个盒装第三个，佢哋话唔会俾第二个盒，负责焗挞着白袍果个男人同收银嘅售货员都异口同声话「一系你买多个啦，买多个(即双数4个)先会有盒」佢哋态度(尤其个焗挞嘅男人）真系麻麻，排我后面个女士都觉得唔合理，冇理由局人一定要买双数至俾盒 ... 我觉得唔make sense, 你造个盒都系想保存自家品质，唔想D蛋挞客人拎到番去烂晒，但就要人买双数先俾盒，又唔做埋买单数蛋挞嘅一格盒，局人买多个，用咁嘅方法去速销都好小家！佢哋舖面装修得精致有品味，但销售细节就cheap左D，同佢地嘅品牌形象唔合拍啰 ....