共食薈 (威利廣場)

营业中

休息中

系观塘其实有好多早餐选择，但好多餐厅都系一至五先开，今个礼拜六行过见到有个好特别既bakery叫Co Eat Space 共食荟，门口摆左好多包装包同曲奇，行左入去先发觉原来系蛋挞王既餐厅。七点到十一点半才都有早餐供应，有分中式同西式，唔知系咪疫情关系，今日就得西式常餐拣。首先要喺Cashier点好餐比埋钱，佢就会比个号码坐枱架你，自己就可以拣位坐低，侍应之后就会送餐过黎，好方便！今次我拣咗个沙嗲牛肉面、炒蛋配牛油提子餐包（$38）。第一个惊喜系提子餐包好扎实，唔系𠮶啲空气感好重既餐包，仲有好多大大粒提子，好满足！第二个惊喜系沙嗲牛肉既配料有洋葱，所以啲酱食落有少少洋葱既甜，系好特别嘅味道！至于炒蛋就不过不失。饮品就系冻奶茶，茶底同奶味唔算太浓，斋啡比较好饮。临走见到呢度有蛋挞下午茶餐，希望迟啲可以见到常餐系配蛋挞！