影片
更多
2021-11-02
136 浏览
我同Mcmug上次午餐食过呢间餐厅啲点心，觉得都几好食，尤其𠮶个韭菜猪红，抵食又好味。今次就食下佢晚餐嘅小菜先！上次食过蛋散后，Mcmug就念念不忘，觉得佢系蛋散界嘅表表者，今次都要叫返回味一下！个蛋散真系好好食 ，芝麻黄糖混合炼奶。香！脆！甜！我哋可以专程为咗食佢而再嚟！凤梨梅羔一字骨，一字骨啲肉都唔会太肥，酸酸甜甜都几开胃。呢度嘅蚝仔饼唔系庙街咁炸到脆卜卜，佢系一种比较厚身嘅蛋饼，味道较淡，好大份，好似Pizza咁一开六，我食咗一件都饱饱地，我哋尽晒力都系食净一件。多人黎先叫会好啲。蚝仔粥唔会好咸，蚝仔胀卜卜，一碗都几多，两个人食都好够。食材都算新鲜，坐得都舒服，坐下倾下唔觉唔觉就两个钟了。我哋会再嚟帮衬！蛋散😍
我同Mcmug上次午餐食过呢间餐厅啲点心，觉得都几好食，尤其𠮶个韭菜猪红，抵食又好味。今次就食下佢晚餐嘅小菜先！
上次食过蛋散后，Mcmug就念念不忘，觉得佢系蛋散界嘅表表者，今次都要叫返回味一下！个蛋散真系好好食 ，芝麻黄糖混合炼奶。香！脆！甜！
我哋可以专程为咗食佢而再嚟！
凤梨梅羔一字骨，一字骨啲肉都唔会太肥，酸酸甜甜都几开胃。
呢度嘅蚝仔饼唔系庙街咁炸到脆卜卜，佢系一种比较厚身嘅蛋饼，味道较淡，好大份，好似Pizza咁一开六，我食咗一件都饱饱地，我哋尽晒力都系食净一件。多人黎先叫会好啲。
蚝仔粥唔会好咸，蚝仔胀卜卜，一碗都几多，两个人食都好够。
食材都算新鲜，坐得都舒服，坐下倾下唔觉唔觉就两个钟了。
我哋会再嚟帮衬！蛋散😍
张贴
