彩晶軒 (已結業)

新年放假的日子当然要同老人家去叹下茶！去亲荃湾饮茶，都系拣好彩。今次转转新意思，去左如心商场嘅彩晶轩。地方不算大。枱同枱之间的距离有点太近。不知道系咪新年关系，所以d位set得密左。。。 叫左8样点心。觉得佢地嘅饺整得不错。饺皮够烟韧，而且不会痴住哂。味道都算不错。但价钱方便比较贵。感觉不太成正比。蛋散👍🏻👍🏻👍🏻平时很少叫蛋散食。但老人家话想食，所以就点了一个。呢度嘅蛋散确实不错。值得推介！蛋散极之松脆！再加上佢地洒了芝麻同炼奶，味道更香！糯米卷细细粒容易食。食完都唔会滞带子菜饺味道偏浓味。淡返少少会好d。但个饺皮确实不错！烧卖无肥猪肉，感觉几健康生财好市粥粥底好有味道，食到有蚝豉味。不错潮州粉果鲜虾肠粉大大粒鲜虾。几爽口。肠粉好滑溜鲍汁炆鸭掌👍🏻👍🏻劲多鲍汁！鸭掌好入味同淋。d汁真系好味。捞饭一流