Caffe Milani (荃新天地) (已結業)

今晚同朋友一齐食我既生日晚饭。我地叫左两个Combo set，包餐汤或沙律，拣一款意粉或All Day Breakfast，加$25有是日精选蛋糕或米兰咖啡。餐汤拣左番茄忌廉汤，酸酸may may甘，好开胃。沙律可以拣两款，拣左羽衣甘蓝牛油果沙律同希腊沙律，几新鲜。松露酱意大利云吞软硬适中，意大利云吞包住芝士，调味出色，系我食过最好食既意大利云吞。蟹肉扁意粉热辣辣，意粉爽滑，蟹肉都几多。甜品控既我地叫左六款蛋糕甘多，呢到绝对系蛋糕天堂。开心果樱桃蛋糕、米兰芝士蛋糕、蛋白柠檬挞、意式萨赫蛋糕、意式苹果批、金合欢。我同朋友都最钟意金合欢，软绵绵既蛋糕又唔会过甜。其次系意式萨赫蛋糕，浓浓朱古力味又有层次，不过甜度降低会更好。Gelato拣左三种口味: 牛奶、吉士、野莓。牛奶味似白兔糖，吉士似淡味版奶皇，而野莓就酸酸地甘。意式杏酱牛角包有惊喜，牛角包好松化，好香口又软熟，而且唔系空心个种牛角包。另外叫左壶洋甘菊茶。