Caffe Milani (荃新天地) (已結業)

如果想揾间Cafe坐下，净系饮咖啡就算，千祈唔好叫蛋糕或者其他甜品。叫咗两杯咖啡，正正常常，冇咩特别。蛋糕就唔掂啦，完全食得出个蛋糕放咗喺个雪柜好耐都冇人买，一啲都唔新鲜，仲要收得唔平。蛋糕个表面好干，干到皱哂皮，入面有个应该系脆嘅饼底已经唔脆，好难食。Gelato 口味选择唔多，我就拣咗tiramisu同开心果味，两款都太甜。 Tiramisu 味入面有海绵蛋糕，但咖啡味同酒味都唔突出净系食到甜味，开心果味就好啲，不过都系太甜。总之，下次想揾间Cafe，我一定唔会再去呢间。