小念頭 (億利工業中心)

营业中

休息中

今日喺长沙湾收工，明天又放假，所以特登问埋同事要唔要一齐食埋个晚饭先走，佢就提议嚟呢间楼上餐厅，佢话之前食过都觉得几好食，餐厅主要都系行fusion风，而我今日自己食完都觉得真系几特别，最高兴就系见到啲店员个个都好有礼貌好友善，令到成个用餐经历都大大提升！呢度系用QR code落单，我睇完成个Menu之后就决定要云吞面，虽然个名系云吞面，但系其实就系手工炸虾云吞配尼泊尔Momo Chutney汁意大利面。我本身自己好钟意食momo，而呢道菜亦都食得出真系有chutney酱汁，意大利面亦都煮得刚刚好，口感系我钟意嘅𠮶种有少少硬度嘅。因为朋友讲呢度嘅蛋糕都好出色，所以就加点咗个伯爵茶戚风蛋糕配焦糖苹果。呢个蛋糕真系好airy，食落好轻身，完全唔会觉得有罪恶感，加埋佢浓郁嘅伯爵茶酱，真系一个劲正嘅配搭，焦糖苹果亦都加咗少少texture同flavour，不论味道定个样都觉得好出色，配埋杯热嘅阿萨姆红茶就系perfect match！