URBAN Café Commune (屯門市廣場) (已結業)

见到佢哋啲蛋糕喺个柜入边好靓，就去咗食晚饭。星期日晚去到，唔多人。不过我去嘅时候好早。叫咗一个芝士汉堡同埋一个鹅肝汉堡。汉堡包会跟薯条。仲会有一个细嘅牛角包同埋龙虾汤。有免费嘅蜜桃冻饮，或者加钱饮其他茶或咖啡。以为加钱嘅话可以饮佢哋茶狼嘅饮品。原来系唔得嘅。净系食个汉堡包嘅话都差唔多$200一份。感觉喺屯门来讲偏贵。味道中规中矩。汉堡包嘅份量正常。不过如果以呢个价钱嚟讲，好似食Ruby Tuesday抵啲又好味啲。不过本身系因为想食佢哋嘅蛋糕，所以冇办法啦。最后叫咗一个salted caramel cheesecake。个蛋糕质感落咗好多啫喱粉，感觉自己食紧布甸或者啫喱多过食蛋糕。蛋糕亦都冇caramel味道，或者芝士味。感觉自己净系食紧一旧好甜嘅啫喱。食完之后觉得浪费咗我个胃嘅空间。白白咁吸收左一啲冇价值嘅热量。好失望。环境坐得都舒服。职员亦都非常之有礼貌。不过食物冇咩惊喜。同朋友坐低倾吓计OK嘅。但唔会为咗佢嘅食物再返去。