山田本舖 (已結業)

啱啱送咗阿女去补习班，要个半钟头之后先至接佢放堂。百无聊赖😌，响太子附近逛一圈睇下有冇啲新嘅食肆或店舖。一路行，闻到一阵好香嘅蛋味🤤，似乎系焗面包，行近啲睇，原来系台式古早味蛋糕店。之前热爆见到呢啲古早味蛋糕店经常排长龙，令到我想试嘅意欲都冇🙄。而家啱啱冇人排队，又记得同事话呢间“山田本舖”好食😍，就买一个试下啦🥰。见到个menu list，有劲多款口味。我觉得最基本嘅，就已经可以试到系咪有真功夫😏。于是买咗一个Q 版低糖原味蛋糕，只系三十蚊港纸，价钱十分相宜🤭。买嘅时候热辣辣有阵阵嘅香味渗出☺️，一路行都好想食😂。拎到返屋企虽然已经凉咗，但系食落口感非常软熟，好有蛋香味，三十蚊呢个价钱，冇得输。食唔晒，放入雪柜第二日拎出嚟食依然十分软熟，正👍！其实我都好想试食吓咸蛋肉松古早味蛋糕，下次一定要买嚟试下😋。