莆田 (美麗華廣場2期) (已結業)

近排食太多西餐所以想食下中菜转转口味~出开尖沙咀行街就顺便喺度揾野食😋冰镇苦瓜最近天气开始热，所以点左比较少见的冰镇苦瓜试下，打算消消暑气。切成薄片状的苦瓜好晶莹，食落冰凉爽口，味道就甘甘苦苦。朋友比较少食苦瓜，所以点左附送的蜜糖，佢觉得会变得易入口，怕苦朋友可以试下。蒜蓉蒸蛏子一向喜欢用简单的蒸蒜蓉方式食海鲜。呢碟蒜蓉蛏子份量十足，上面铺左适量蒜蓉，加上葱花同豉油，但配料味道唔会过浓而喧宾夺主。莆田荔枝肉将荔枝入馔感觉好新鲜！食落似荔枝咕噜肉，味道酸酸甜甜，估唔到鲜甜多汁既荔枝加埋落去毫无违和感，赞！莆田扁肉汤扁肉汤清甜可口，饮得出系冇落味精~兴化炒米粉呢碟米粉系幼身既，啱自己口味。睇落细细碟，但原来都装到成三碗，够哂两个人食！参巴爆蛏肉参巴爆蛏肉就系另一种食法，爆香之后惹味得嚟又食得出蛏肉好新鲜。