Dodam Chicken (利舞臺廣場)

营业中

休息中

今日我去咗铜锣湾一间主打韩国炸鸡同埋烤鸡嘅餐厅，真系一个唔错嘅选择！我叫咗一个Margarita pizza，Pizza饼底用咗墨西哥饼皮，咬落去有种甜甜嘅感觉，超级特别！上面嘅蕃茄超新鲜，仲有好多芝士，热辣辣地融化，真系好味到唔想停口。另外，呢度嘅烤鸡真系必试！我哋拣咗有骨烤鸡，味道系蜂蜜牛油香蒜，经典又好味！鸡肉烤得刚好，外面金黄香脆，里面保持住多汁，每一口都好入味，𠮶种香蒜味搭配蜂蜜牛油，令人食完想再食多只！最后，实在食唔晒，决定打包返屋企，因为真系太好味，唔想浪费。服务方面，店员真系好有礼貌，服务态度一流！我一坐低就自动帮我斟咗暖水，呢种贴心服务真系令人感到好舒服。整体来讲，呢间铜锣湾嘅餐厅真系好值得一试，食物味道出色，环境舒适，加上优质嘅服务，真系一个几好地方。