Cluck Cluck (已結業)

我记得间嘢啱啱开时，识人食过话海南鸡饭麻麻麻哋，所以就冇打算去食。近日竟然有人同我讲呢间嘢嘅蜜糖鸡扒饭好好味。系好好味㖞！咁夸？！家上呢几排去隔离日常小馆食时，成日都见到佢门口好多人等，就去买黎试吓。间嘢净系得外卖，都真系好多人叫。佢仲做埋熊猫外卖，见佢已经4个男人密密做都好似做唔切，所以都等咗差唔多十分钟。(上个礼拜等谭仔等咗足足20分钟，啲阿姐仲懒懒闲，集埋先推出黎，嬲到家下).开个盒觉得个样正㖞。啲鸡好似好黑咁，但其实系因为啲汁系黑色的。鸡完全唔鞋唔干，个汁个人好钟意，因为佢以街外食嘢黎讲比较清，唔会太咸或甜，刚刚好。估唔到系佢个饭都好味，连埋佢堆微酸嘅红萝卜丝食真系一流。总结：好快会再食。