Seafood Stand (已結業)

放工系尖东等朋友时四围行，又有啲肚饿，于是想揾野食，行过安达中心时见到佢，几特别海鲜汉堡包，反正重要等咁就坐低食个包先！望望餐牌，都有好多不同选择，有龙虾完只上，不过我就唔系想吃得太劲！于是点了个虾兵蟹将堡$78，配多个烟肉薯仔汤$30落单坐低好快就先上个汤，本身想点个汽水，但望主个汤感觉即时觉得超抵，首先用料十足，每啖入口都充满薯仔粒、薯容，而烟肉亦唔少，最紧要够热，真系好味！跟住系个虾兵蟹将堡，虽然同餐牌上个样有少少唔同，但一只软壳蟹就绝对没有欺骗你，香脆可口，包内当然唔少得嘅弹牙虾肉，一啖要入口又要有蟹又要有虾，个种口感真系超正！加埋用呢个价钱，真系抵食！美食唔系一定要去高级餐厅先有！只要留意身边嘅店舖亦不难发现！