阿久根和牛拉麵屋

营业中

休息中

📍今日心血来潮想食日本拉面，就黎到阿久根和牛拉面屋止一止瘾！舖门口设计已经好有日本风格，左边有个绘马，因为小店关系，入面座位唔多。但佢BAR枱个日式屋顶设计就好别致，令到个气氛生息不少。🍴招牌三色拉面 $138因为店家未有A4和牛供应，所以试唔到个和牛，而店家就转为较大份量既鸡肉同豚肉，有少少可惜。上枱后个面质系幼面，都算弹牙，个惊喜系个鸡肉，好嫩，煮得岩岩好。个豚肉有厚度，唔会好薄，加埋火灸，超香。🍴香煎虎虾沾面 $128个拉面一上枱个汤底仲不断沸腾中，食欲大增即刻！佢仲会比张咭仔教你点样食，好暖心。先饮左啖个汤底，味道好浓郁，满满既虾味。只虎虾仲要大大只，食落超满足。🍴日式饺子 $48即叫即煎，够哂新鲜，而个饺子皮又薄，一啖一只。