蝦棧 (已搬遷) 新店位置

呢间台式餐厅以虾煲为主打。有辣有唔辣🌶而虾煲嘅虾都好大只，而且胡椒味非常重，不过就唔算好辣。今次就点左一份胡椒虾煲，虾煲内有8只大虾，胡椒味超浓，辣唔算好辣，但就好香，冬天食绝对一流。其次当然要试下台式小食葱抓饼啦！葱抓饼非常香口，唔会好油，边饼脆脆的，而且非常多葱，适合餐前小食。另一推介就系火焰雪山焗鲜鱼。条鱼超大，上面铺满盐巴，店员点火烧著盐巴，令鱼非常香，但鱼皮系唔食得嘅，不过经过烧之后，令到盐味同鱼好夹。可能系焗嘅关系，鱼肉鲜嫩，唔会好干，值得再试。咁都𩠌就一定要有饭拌下啦。点了份鲁肉饭，好大份够两位一齐食。鲁肉唔会好咸，而且味道都好足，适合拌饭。