祺森冰室

营业中

休息中

生平第一次入坪洲。住咗长洲十年多，真系无咩兴趣去其他离岛走走。今次快闪入坪洲行吓又睇睇有咩好野食。听闻哩间祺森冰室唔错，佢地个虾多士阿苏都赞好。一听到阿苏，寄望即刻无咗一半！点解呢？你懂的！叫咗客全日早餐，当然要试试噤出名嘅虾多士啦！全日早餐烟肉处理得过咗火，无咩肉汁，如果中意食脆口感可能会中意。终于到主角出场，首先虾多士唔系好热，啱哂，因为已经行到鬼噤热，唔想再食辣口野，亦因为唔太热，感觉唔太热气。虽然唔系好热，但脆口感依然不减㖞，赞！食上去内里好似唔只有虾胶，好似重有薯蓉，味道唔错！再讲讲外形，胀卜卜，好鬼q。今次跌眼镜，阿苏无介绍错啰！PS: 今次好轻松快闪去坪洲，多谢感恩有你陪我癫。