蝦棧 (已搬遷) 新店位置

今日冻冰冰得10度，仲要落毛毛雨。咁冻嘅日子梗系要食翻啲暖身嘅野。行过太子日到有间用虾到主打嘅餐厅，即刻入去叫翻个虾煲暖下身先。一入到餐厅已经见到好大个鱼缸，入面有好多虾系到游下游下，只只都好生猛。我地就叫左一个避风塘虾煲，煮嘅时候厨师系虾背𠝹左一刀，所以剥壳比较方便。虾嘅肉质好弹牙，食落有小小嘅辣，较多嘅系虾嘅鲜味，炸蒜就增加左口厚。每只虾都好多膏，好满足！一口炸豆腐唔系炸到好香口个睇，睇落似系卤豆腐嘅质感。表面有一啲胡椒粉，好似咬紧鱼蛋，质感较有弹性。蘸上酱汁，味道变得更加丰富。香煎墨鱼黑白卷个样好似春卷，入面包左黑白两只色嘅墨鱼蓉，每只色有五旧。食落外层好酥脆，内层仲食到一粒粒嘅墨鱼肉。生烧海花螺份量都几多，只只啲肉都凸晒出黎，好方便拆肉出黎食。因为个花螺煮嘅时候无落太多调味料，所以食到螺肉嘅原汁原味，好新鲜。黑椒牛仔骨酱汁味道酸酸甜甜 带少许辣味 酱汁可以用黎送饭 牛肉数量尚算多 配料除加入大量洋葱外 还有少许黄椒及红椒 让菜式的卖相更吸引。