影片
更多
2018-01-10
1093 浏览
呢间虾栈，我地喺附近食火锅嘅时候都有经过过，因为见到门面几亮眼，都有八挂睇下食啲咩，今日收工同几个朋友就过黎食晚饭。餐厅骤眼望落似西餐、cafe装潢，以白色为主调，木枱水泥地，好光猛，位置唔算好多，店面有点窄，但空间感足，小店格局。平日晚上都大概半满，靠近里面就系半开放式嘅厨房，可以隐约见到厨师煮食同闻到食物嘅香气，抽风不错，唔会话好大阵味虾栈主打虾相关料理，门口位置都有好大个虾虹，就有啲新鲜嘅大头虾。餐牌供应小食，例如卤蛋、醉鸡卷、炸豆腐等，各式锅物唔少得招牌虾类，有十款左右，例如奶油虾、椒盐虾、三杯虾、咸蛋黄虾等，定价$188/208一锅，写到明每锅系300gms。视乎虾嘅大小，决定有几多只。此外，有麻油鸡锅、麻辣臭豆腐锅、炒菜，加上主打台式料理，所以都会有啲台湾肠、鲁肉饭、卤拼、葱抓饼等。最低消费每位$150，由于菜式定价中上，应该轻松达标。甜品方面有雪糕、雪葩，饮品有汽水、乌龙茶、梳打等，人均大约三百蚊。年纪大左，宁愿食得精，好过食得多。醉鸡卷 88：一共8件，鸡件砌得几靓，面头放左粒杞子咁，每件厚度相约，唔会太薄，连埋鸡皮。鸡肉系拣选冇骨部分，入口扎实，有好浓酒香，喺香港食过
虾栈主打虾相关料理，门口位置都有好大个虾虹，就有啲新鲜嘅大头虾。餐牌供应小食，例如卤蛋、醉鸡卷、炸豆腐等，各式锅物唔少得招牌虾类，有十款左右，例如奶油虾、椒盐虾、三杯虾、咸蛋黄虾等，定价$188/208一锅，写到明每锅系300gms。视乎虾嘅大小，决定有几多只。此外，有麻油鸡锅、麻辣臭豆腐锅、炒菜，加上主打台式料理，所以都会有啲台湾肠、鲁肉饭、卤拼、葱抓饼等。最低消费每位$150，由于菜式定价中上，应该轻松达标。甜品方面有雪糕、雪葩，饮品有汽水、乌龙茶、梳打等，人均大约三百蚊。年纪大左，宁愿食得精，好过食得多。
醉鸡卷 88：一共8件，鸡件砌得几靓，面头放左粒杞子咁，每件厚度相约，唔会太薄，连埋鸡皮。鸡肉系拣选冇骨部分，入口扎实，有好浓酒香，喺香港食过最浓系呢份喇。但可能有啲人会觉得不容易入口，我自己就几钟意
滋补四神汤 128：系厨师推介，上枱连埋个gas炉，客人可以热住食。汤嘅份量唔算好多，但四个人足够，大概五碗汤，入面相当足料，有猪肚、粉肠、当归等药膳煲埋，非常滋补，适合女士饮用，特别呢几日天气冻，饮完好暖身。粉肠、猪肚入口腍身，清理干净，而且份量好多。虽然用左啲药膳，但不难入口，汤底好清，唔会油腻，个人很喜欢
黑麻油鸡 168：主菜以锅上，价钱略贵，鸡件份量唔算好多，称唔上好肉地，里面有肉有骨。睇落会觉得难免有点油份，食落就唔会觉得油腻。
鸡件已经熟透，唔算嫩滑，但都不老不韧。黑麻油味闻起上黎有一点点，食落鸡肉就唔算好入味。可以滚多一阵先食，味道更出。呢么嘅料理调味唔会好重手，感觉健康
跟住我地点左两款虾锅，分别系三杯虾、避风塘虾。
三杯虾 188、避风塘虾 208：事前我喺网上睇过，当晚大头虾嘅size系中至细，两煲虾我地都各自有10只，大有有细。避风塘虾煲炸蒜好香口，辣椒垫底少少，辣度温和，容易入口，蒜片捞饭一流。大头虾新鲜捞起，虾头都有少少膏，虾身较短，但肉质都肥美、弹牙爽口作为招牌菜都有一定嘅水准。至于三杯虾锅，食落都有香嘅九层塔味，都系简单用上蒜头、香料、辣椒制成。同平时食开嘅三杯鸡锅唔同，冇酱汁。虽然虾壳都沾满左香菜味，但虾肉本身就唔系好入味。大头虾唔知系咪季节关系，大部分都有好多虾籽，十只有一半都有虾籽~
雪山火焰焗鲗鱼 158：原条鱼冇打鳞，直接加盐焗起，上枱后，店员很贴心提醒我地要小心啲火焰，佢会喺鱼身加少少火焰效果，几有gimmick，将个面头烧一烧，然后好细心，将盐、同皮揭起，方便食用。盐焗鱼仲配上有少少似食泰国野会附上嘅生虾汁，有少少辣、有少少酸酸，食前可以再唧啲青柠，会再鲜味啲。鱼本身都几大条，鱼肉几厚，刚刚好熟嘅感觉，食落又嫩又滑。鱼靠盐焗成，冇多加调味，但都十分鲜味。呢个价钱都非常可以，推介
葱抓饼 28：味道唔错，份量不少，分成8小件。饼皮薄身，外面酥脆，加少少葱，唔会有油腻感
卤水鸽 68：
鲁肉鲜虾汤米 68：
薄荷菠萝梳打：菠萝味清甜，唔会有糖水感。
菠萝雪葩 68：食完咁多野，食埋个雪葩啱哂，呢款果味雪葩我之前都有喺其他餐厅食过，菠萝味同椰子味最好食，味道唔假，唔会太甜
不过刚喺冰柜拎出黎，要等阵解冻先会食到。
张贴
