幕多

营业中

休息中

两年前已经食过一次呢间尖沙咀拉面店——幕多，今次有朋友想食，就陪佢一齐去食。假日12点去到，排咗一个钟先食到，果然系人气店！酱油虾浓汤面 $118汤底虾味浓郁，加埋虾油，鲜味即刻提升。虾肉结实弹牙，好入味，虾头唔苦，最欣赏系已经剥咗壳，方便食用🫶🏻 拉面面质适中，好挂汤🍜加$15蚊嘅溏心蛋都好出色，味道啱啱好是日精选贵妃蚌 $38肉质爽口，食到蚌肉嘅鲜甜，又有淡淡酱油嘅咸味，有5大只都几抵食👍🏻估唔到开咗咁耐、咁多客人，餐厅出品仍然冇失准👍🏻专注做一款虾汤面，值得欣赏。不过下次再去嘅话，会拣个少人啲嘅时间去🤣