發記腸粉粥品

营业中

休息中

今日想食粥做早餐，拣咗呢一间。两个人原本想叫一碗腰膶粥share，再要一个炸两同埋一碟蒸虾米肠。点知又无猪腰，咁就改要猪膶粥啦，而侍应姐姐话油炸鬼因为啱啱开舖所以d货未运到，原来系交黎嘅，咁好食极有限啦，于是转左做猪什炒银针粉，实行黎个胆固醇超标的早上。个虾米肠又真系几好食，虾米同d葱都好香，肠粉粉浆都唔错，食落去热辣辣感觉好新鲜可惜另外𠮶两样都系麻麻地，猪膶粥d猪膶唔系好新鲜，食落去好似无乜味。至于个猪什炒银针粉都几搞笑，得好少猪什，反而有一旧好大嘅肉片，有少少被揾笨的感觉。