辨面館 (已結業)

隐藏系石板街一个唔起眼嘅小店，餐牌有唔同类型嘅面类，都有d新鲜感。第一次来先试下「招牌虾米辣油虾球拌面」：酱汁：酱油 + XO酱 + 虾米捞埋一齐嘅嘅味道。连埋切得幼细嘅青瓜，捞埋一齐丰富口感。再有轻微恰到好处嘅辣味，几惹味。面：面条粗壮有弹力，有口感，又挂汁。虾球：有三粒虾球，弹牙爽口，味道偏淡。整体嚟讲，面条嘅质地最出色，粗壮有口感。酱汁味道系虾米XO酱，而唔系虾油嘅味道。味道都OK，但又唔算特别惊喜。佢嘅餐牌都有唔同款式嘅面类，下次再试吓其他款式。