影片
更多
2018-01-02
601 浏览
虾栈2018年出街食饭第一餐，要食得丰富啲，同朋友去到太子食台式虾煲。去到餐厅门口，已经见到鱼缸入边有好多新鲜嘅虾，喺度不停游紧水，可惜佢哋好快就会落入我嘅肚中。呢间台式虾煲小店，装修简洁，墙上有好多台湾嘅装饰，亦都摆放左食物嘅照片，立即食欲大增。翻开餐牌，估唔到虾煲有十款选择，果然系虾煲专门店，有：胡椒虾、奶油虾、柠檬辣虾、麻油虾、仲有港式限定：避风塘虾、咸蛋黄虾等等……。经过一轮讨论，我哋就试吓胡椒虾煲啦。胡椒虾煲＄188呢个煲传来阵阵嘅胡椒味好香，带微辣好惹味。胡椒虾煲比台式最大嘅分别系，台式虾煲的虾会比较细小，但系呢一间店舖用嘅虾比较大只，仲有好多虾膏添，由于食材都系门口嘅鱼缸即叫即捞，啲虾仲好新鲜，所以肉质弹牙爽脆。不过只得六只虾，如果多啲就比较好啦。菠萝雪芭＄68雪糕吃得多会胖，忌廉牛奶糖不知不觉间成为脂方落户到你身体里，易请难送。雪葩虽然口感近似雪糕，比沙冰细致，不含牛奶成份，相对热量低。食完感觉都冇咁有罪恶感。雪葩原本是法式甜品之一，系西餐中的作用系食完头盘和汤后，清新一下口腔味觉，准备品尝较浓味的主菜，选材多以甜甜酸酸口味清新的水果首选，例如青柠、柠檬、西柚、奇异果等
2018年出街食饭第一餐，要食得丰富啲，同朋友去到太子食台式虾煲。
去到餐厅门口，已经见到鱼缸入边有好多新鲜嘅虾，喺度不停游紧水，可惜佢哋好快就会落入我嘅肚中。
呢间台式虾煲小店，装修简洁，墙上有好多台湾嘅装饰，亦都摆放左食物嘅照片，立即食欲大增。
翻开餐牌，估唔到虾煲有十款选择，果然系虾煲专门店，有：胡椒虾、奶油虾、柠檬辣虾、麻油虾、仲有港式限定：避风塘虾、咸蛋黄虾等等……。经过一轮讨论，我哋就试吓胡椒虾煲啦。
胡椒虾煲＄188
呢个煲传来阵阵嘅胡椒味好香，带微辣好惹味。胡椒虾煲比台式最大嘅分别系，台式虾煲的虾会比较细小，但系呢一间店舖用嘅虾比较大只，仲有好多虾膏添，由于食材都系门口嘅鱼缸即叫即捞，啲虾仲好新鲜，所以肉质弹牙爽脆。不过只得六只虾，如果多啲就比较好啦。
菠萝雪芭＄68
雪糕吃得多会胖，忌廉牛奶糖不知不觉间成为脂方落户到你身体里，易请难送。雪葩虽然口感近似雪糕，比沙冰细致，不含牛奶成份，相对热量低。食完感觉都冇咁有罪恶感。
雪葩原本是法式甜品之一，系西餐中的作用系食完头盘和汤后，清新一下口腔味觉，准备品尝较浓味的主菜，选材多以甜甜酸酸口味清新的水果首选，例如青柠、柠檬、西柚、奇异果等……
菠萝雪葩外型十分吸引，用原只泰国小菠萝盛载，如果夏天食消暑一流，一啲都唔会太甜，菠萝味好清甜。
秘制卤水雏鸽$68
乳鸽系雏鸽，虽然话细只啲，但啲肉嫩啲。雏鸽先被浸过用多种香料熬制出嚟嘅卤水，然后再搽上用麦芽糖、再即刻炸一炸香佢，上枱时香喷喷，除了皮够脆外，连啲骨都脆到可以咬埋，十分惹味！
时蔬方面，都好有特色。蒜蓉高丽菜、树子冰菜、小丁香油麦菜等。
羽衣甘蓝$98
羽衣甘蓝系超级食物，真系第一次食上汤浸羽衣甘蓝，口感出乎我想像之中，比较有嚼劲，平常都系生食作沙律或者风干，真系未试过咁嘅烹调方法，不过个人都系比较钟意做沙律嘅食法。
题外话：
午市系不收加一
张贴
