蝦蝦燒

营业中

休息中

依排成日落雨，落到个人都霉霉地🥲，就谂住约个朋友出去食餐饭倾吓计。咁我同个朋友都好中意食海鲜同烧肉，系荃湾行行下街咁岩就揾到依间虾虾烧。入到去见到每张枱隔离都有个长鱼缸，入面啲虾游啊游，等我哋可以一边烧一边睇。入座之后，员工同我哋讲要夹啲虾落啲冰水度浸晕啲虾，如果唔系会周围跳。咁我哋即刻出去拎冰水番黎夹虾，啲虾有大有细，睇岩边只就夹边只。啲虾真系好生猛，放入冰水个时都仲弹黎弹去，会有小小水花溅出💦，我哋都唔敢夹太多，惊会跳出黎。除咗虾之外，仲有好多时令海鲜可以任食，有鲍鱼、蚝🦪、带子、元贝，居然仲有原条鱼😯隔离嘅冷柜有各种猪牛羊鸡肉串、大大件牛骨同羊架、各种蔬菜水果。个炉唔算太大，但有两层，上层可以烧虾同海鲜，下层烧串烧。旁边有啲调味料，可以自己调味，但第一转海鲜想试原咪就冇落。虾🦐好鲜甜，又弹牙，唔洗调味都可以。烧完之后朋友即刻再去夹定。每枱都有份鳝送，又鲜又爽弹，块皮都烧到脆卜卜。带子大大粒，涨卜卜，要再烧多几粒。鲍鱼都好食，但因为要剪走内脏，我哋又唔系太识，最后个员工帮我们剪，啲员工真系好好人。顺手个朋友叫个员工介绍咩鱼好食，夹佐条仲大过我只手嘅鱼🐟。鱼肉质紧实，都好易烧。串烧有