影片
更多
2017-11-22
162 浏览
餐厅喺太子近花园街近界限街𠮶头，夜晚附近环境比较静，不过餐厅大大个虾logo都好显眼，并唔难揾。一睇logo就知以虾做主题，无错，呢度主打台式大头虾煲!!一入到餐厅就有大大个水缸，入面全部系生猛嘅大头虾，好大堆头。啲水非常清澈，碧绿嘅水缸本身已经系一个好靓嘅装饰品，仲有温度计监控水温，即捞即煮，保证绝对新鲜!【紫薯酥】逢星期一至四餐厅都会送小食。呢个薯酥仲系温热，外皮都几松脆。食落入面就软绵绵，但味道就冇想像中甜。【薄荷柚子梳打$38 】好清凉嘅饮品，里面有好多薄荷叶，柚子甜中带微酸，好开胃，一饮即刻感觉透心凉，爽。【醉鸡卷$88】寿司卷就食得多，圆咕碌嘅鸡卷就第一次食，仲要系我最钟意嘅醉鸡。网上早排疯传一条整醉鸡卷影片，可惜我仲未有时间动手一试，呢度有得食，梗系要试，顺便偷下师。鸡肉唔算好嫩滑但几有鸡味，而且最重要系做到酒味浓郁之余亦能够融入鸡肉入面，唔错。每件都有一粒杞子做装饰，夹埋一齐食，出奇地夹!【盐烧猪肋条$128】猪肋条肉质软腍，本身应该系靓猪嚟，外皮亦烧到有少少脆，用盐烧非常可口，食落油脂唧晒出嚟，好邪恶! 斋食会过咸，建议叫返个白饭或者鲁肉饭嚟配搭。【胡椒虾$188】主
一入到餐厅就有大大个水缸，入面全部系生猛嘅大头虾，好大堆头。啲水非常清澈，碧绿嘅水缸本身已经系一个好靓嘅装饰品，仲有温度计监控水温，即捞即煮，保证绝对新鲜!
【紫薯酥】
逢星期一至四餐厅都会送小食。呢个薯酥仲系温热，外皮都几松脆。食落入面就软绵绵，但味道就冇想像中甜。
【薄荷柚子梳打$38 】
好清凉嘅饮品，里面有好多薄荷叶，柚子甜中带微酸，好开胃，一饮即刻感觉透心凉，爽。
【醉鸡卷$88】
寿司卷就食得多，圆咕碌嘅鸡卷就第一次食，仲要系我最钟意嘅醉鸡。网上早排疯传一条整醉鸡卷影片，可惜我仲未有时间动手一试，呢度有得食，梗系要试，顺便偷下师。鸡肉唔算好嫩滑但几有鸡味，而且最重要系做到酒味浓郁之余亦能够融入鸡肉入面，唔错。每件都有一粒杞子做装饰，夹埋一齐食，出奇地夹!
【盐烧猪肋条$128】
猪肋条肉质软腍，本身应该系靓猪嚟，外皮亦烧到有少少脆，用盐烧非常可口，食落油脂唧晒出嚟，好邪恶! 斋食会过咸，建议叫返个白饭或者鲁肉饭嚟配搭。
【胡椒虾$188】
主角就系呢个虾煲，总共8只虾，摆得好精美，每只虾都已经剪晒钳同须，好细心。虾肉雪白，果然够新鲜，虾味唔算好浓，但近虾头位置有好多虾羔，大头虾最妙之处就系只只都头大大，装满虾羔。胡椒虾肉好惹味，少少微辣嘅胡椒同鲜甜虾肉好夹。虾煲总共有10种不同味道选择，如果人多可以叫多几款开心share~
【树子冰菜$98】
食得多肉点都要食返啲蔬菜，之前食过冰菜都系生食，口感特别，估唔到煮过嘅冰菜都依然脆嫩。菜上面有一粒粒透明结晶，真系好贴合佢个名。另外仲有一粒粒嘅树子，含丰富纤维架，不过入面嘅核都几硬，食𠮶阵要小心唔好(好似我咁)起势咁咬落去⋯⋯
【椰子雪糕$58】
估唔到雪糕系喺个椰子壳入面，仲配有菊花形状嘅金匙更，几有心思。雪糕椰子味够浓郁，够香滑。见到隔嚟枱食雪葩，都系用果壳装住，好似好正咁~
餐厅附近虽然有啲静，但客人都唔少，好多客人都系嚟食台湾美食并小酌几杯。临走先发觉原来除左餐牌食物外仲有啲厨师推介，下次唔可以错过。
张贴
