Tai O Lookout

营业中

休息中

放假冇得去旅行 😌，见凉凉地同屋企人去大澳行返转轻松下。🤓上次嚟大澳文物酒店嘅餐厅 「Tai O Lookout」因为有人包场食唔到午餐，今次再嚟撞下好彩有得食下午茶。😋要行楼梯 / 斜路上酒店，如果唔方便嘅可以打电话通知酒店开玻璃缆车仔上。再到1楼餐厅，门口摆咗几张枱同櫈俾客人休息。休息时可以睇定餐牌谂定食咩。☺️可惜因为太多人😫，侍应安排唔到我地坐窗边，窗边出面个景靓好多，而家只系安排我地坐餐厅正中间嘅4人枱，感觉有少少似高级版茶餐厅😣。餐纸好特别，系一张大澳嘅地图。🥸见到餐牌嘅食物会配虾酱，系大澳嘅特产。我地点咗3个下午茶餐。😎脆香大澳虾酱鸡翼鸡翼嚟到有少少失望，普通炸鸡翼配虾酱，如果虾酱腌埋落鸡翼度会更好。虾酱几特别，唔似平时食嘅咁咸，可以点埋薯条食，我谂呢只虾酱系呢度嘅推介。🤩公司三文治满满嘅配料，三文治入面放咗鸡扒，好饱肚。而且配有薯条，不过薯条要衬热食，放耐咗越冻越硬。大澳虾酱猪扒包配薯条打卡影相几靓，食落普通，虾酱都系另外上。好挂住澳门嘅猪扒包。饮品就点咗1杯红树林特饮 (Mangrove special) = 紫贝天葵 + 苹果汁 + 柠檬汁，颜色好靓，酸酸甜甜嘅味道。