順。越南牛肉粉

营业中

休息中

沙田好运中心新装修后，多了很多餐厅，今次我哋想食越南嘢，试咗呢间「顺」.呢度座位都算阔落，2人坐4人卡位都几舒适。食物方面，我哋叫了西贡脆春卷、河内番茄蟹檬、扎肉虾饼捞檬、椰汁珍多冰。.西贡脆春卷 —炸得很松脆，唔油，炸得不错；唯独馅料内有一种食材味道比较奇怪，我哋都唔太钟意，要沾多些鱼露一齐食会比较好，但整体都ok。.河内番茄蟹檬 —番茄汤底几好饮，唔会太酸，檬粉都几滑；主角蟹肉就份量比较少，只有一只蟹钳，但没有很多蟹肉，而且蟹肉是淡而无味的，比较失望；配料有蟹肉丸、扎肉蟹肉丸弹牙，口感不错，但都是很淡没有什么调味的⋯扎肉就几好食，肉质爽口弹牙.扎肉虾饼捞檬 —虾饼好好味！表面炸得香脆，肉质好爽口，有粒粒虾肉口感，几出色👍🏻捞檬都多生菜丝、甘荀丝，但呢度嘅鱼露就唔太够味，略嫌不够酸。.椰汁珍多冰 —好特别，唔系普通椰汁冰，系椰汁沙冰！甜度适中，几好饮；但绿色一条条的「珍多」就略嫌太硬身，要用牙力咬，美中不足。