姨婆瑪麗 (已結業)

姨婆玛丽，斋睇店名，唔会估到食咩菜式，睇埋英文 Ipoh Mari，就知系食马来西亚嘢。不过 Ipoh 点解唔直译怡保，要变咗做姨婆呢🤔？叫咗碗推介嘅姨婆虾面，油面底，配菜有虾，西刀鱼蛋，通菜，芽菜，半只蛋同炸腐竹，都几丰富。上枱时见到汤底都几浅色，呷一口，果然味道较淡，虾味亦唔浓，menu 话呢个面属一只辣椒，但其实辣味颇为薄弱，就算加埋上枱时放喺汤羹入面𠮶丁点辣酱，仍然不足。虽然汤底有待改善，不过其他配菜其实都唔错，我最钟意通菜，份量好多，连汤一齐放入口，几正😋；另外炸腐竹都唔错，几香口；西刀鱼蛋亦算弹牙；其余配菜就正常味道。埋单四十零蚊，我绝对收货。