影片
更多
2015-04-01
2593 浏览
2月系我既台庆月，朋友请食饭一定赏面出去既，今次特地过海去到湾仔Restaurant Akrame，就系要浪漫一下，品尝新派法国菜啦。Akrame巴黎总店喺2014年得到米芝莲二星架，餐厅装潢唔算华丽，反而觉得坐得几舒服，二人世界既话很不错呢。(笑)我地点左4道菜，客人唔会知道食d咩，黎到就会有惊喜，我都十分期待啊！ 首先有面包加牛油，而上枱既面包仲系微暖的。餐前小吃有橄榄脆片、芝士薄片夹银鱼、同埋三文鱼籽苦白菜。卖相真系够哂可爱，可能我本身唔中意食鱼籽，食左一粒觉得好腥 (爆)，脆片就好松脆，咸咸香香的都几得意。头盘有来自日本既菇，将蛋白加菇菇打成泡沫，食落有d蛋既粒粒，又似棉花糖咁，质地好得意，而且菇味香浓。主菜方面有安康鱼，首先厨师用腌料将鱼腌好，再用以黄姜粉特制既香萝卜包住件鱼，加上特别配制既法式酱汁，口感丰富，而且不爱好食鱼既我都唔觉得有鱼腥味，好好味啊！碟边果块橙色东东，系萝卜黎架，面层果片仲系酸酸地，好开胃架。食完个安康鱼就要refresh一下味蕾，厨师用左柑黎做呢个sobert, 入口好滑，即溶既感觉好清新，可以让味蕾继续享受接住落黎既惊喜菜式。接住落黎就有黑毛猪柳，以
我地点左4道菜，客人唔会知道食d咩，黎到就会有惊喜，我都十分期待啊！ 首先有面包加牛油，而上枱既面包仲系微暖的。
餐前小吃有橄榄脆片、芝士薄片夹银鱼、同埋三文鱼籽苦白菜。卖相真系够哂可爱，可能我本身唔中意食鱼籽，食左一粒觉得好腥 (爆)，脆片就好松脆，咸咸香香的都几得意。
头盘有来自日本既菇，将蛋白加菇菇打成泡沫，食落有d蛋既粒粒，又似棉花糖咁，质地好得意，而且菇味香浓。
主菜方面有安康鱼，首先厨师用腌料将鱼腌好，再用以黄姜粉特制既香萝卜包住件鱼，加上特别配制既法式酱汁，口感丰富，而且不爱好食鱼既我都唔觉得有鱼腥味，好好味啊！碟边果块橙色东东，系萝卜黎架，面层果片仲系酸酸地，好开胃架。
食完个安康鱼就要refresh一下味蕾，厨师用左柑黎做呢个sobert, 入口好滑，即溶既感觉好清新，可以让味蕾继续享受接住落黎既惊喜菜式。
接住落黎就有黑毛猪柳，以耶路撒冷酱汁搭配，我唔知咩系耶路撒冷汁，不过系有黑醋既酸甜味，猪柳肉质嫩而且好juicy，旁边系烤过既小薯仔，用洋葱打成蓉，加埋香脆蒜片，教我如何不爱它。
进入甜品部份，首先有Hazel Nut雪糕，面层果块系焦糖脆片，好香既Hazel Nut味，入口creamy，底部仲有溶左既焦糖，加埋用酒浸过既梨，口感一绝。
呢件黑猛猛既甜品系食用炭整出黎架，中间系mousse状，入口即溶兼且苦苦地，不过加左中原一点黄既热情果酱，刚好中和左苦涩味，而外层围住果块脆片系有薄荷味的，都有中和苦涩味既效果架。
最后出场就有Light Tiramisu，共有3层口感，第一层用mascarpone cheese打成泡沫，第2层系有酒味带甜既蛋糕粒粒，最底果层系coffee jelly，有dd苦，不过整体黎讲做得好好，感觉好特别，有惊喜。劲中意甜品既我，觉得3款甜品都好出色，大爱 (╯з╰)
如果系生日既话，订枱时讲声，就会有sea salted chocolate请你食架啦！(笑) 旁边既柠檬蛋白脆饼更令我一试难忘呢！食完3款甜品，好满足地就画上完美句号啦！
张贴
