西餐大排檔 (已結業)

想揾一间好味又有特色既餐厅真系唔容易，然而大排档加西餐真系令我印象深刻，今次再来除左有新菜式外，质素亦保持高水准！套餐有齐餐厅出色既菜色，最后决定拣纽西兰羊鞍餐同黑毛猪肉眼餐，再加海鲜拼盘同甜品！首先来既系海鲜拼盘，个人认为海鲜拼盘系必加既，套餐优惠价69有生蚝、鲍鱼、鲜虾之外，重有带子同圣子刺身，而且质素好好！生蚝咸味较多，带有少少蚝铁锈味，就咁食已经好好味，如果再加上特制香草汁就更上一层楼，香草汁酸味为主，除左香草味浓之外，再带有蒜香同少量芫茜味，同生蚝味道非常配！而另一个蜜糖芥末汁就配刺身的，甜味为主再带有少少面豉和酒味道，带子刺身十分鲜甜，而圣子刺身口感爽嫩，对比明显，鲍鱼亦都浓味弹牙，最后鲜虾肉质直头系脆的，海鲜拼盘非常推荐！下一道菜系牛腩罗宋汤同松露磨菇汤，餐包系麦包，虽然唔及面包软，但反而本人更中意麦包口感同香味！至于牛腩罗宋汤，一上枱已经充满牛肉香味，而入口后蕃茄香 同菜加上薯仔和洋葱味融为一体，各种食材味道都出色而又唔会互相抢味！松露磨菇汤好特别，个人感觉比较偏中式，汤中菇味十足，而其中冬菇味更为特出，令整个汤好有中国色彩，而旁边有黑蒜油，装饰和加香功能两全，非常好！