三郎。燒肉

营业中

休息中

寻晚请几位律师朋友食饭，第二次光顾这间餐厅，估唔到会遇到咁恐怖嘅经验。头段食烧肉都好地地，但当我将海胆手卷摆咗入口嘅时候，嘴里突然间感觉咬到硬物，吐出来竟然系一粒生咗锈绿色嘅螺丝。同服务员讲，都未嚟得切影相，佢已经即刻拎走同埋话换𠮶份畀我。当我叫经理嚟嘅时候，佢只系话叫厨师了解下原因，同埋送两杯啤酒俾我地，而最后亦都冇再交待返原因。因为寻晚我系请几位朋友食饭，所以为免尴尬，我冇再同佢哋争论，但我觉得呢间餐厅嘅食物质素同服务员嘅态度实在好有问题，餐厅完全唔打算负任何责任。而如果客人吞咗粒螺丝落肚，绝对系可大可小的。