胡爐 (已結業)

卜卜蚬鲜蟹鱼汤锅有时火锅如果唔想食太油既汤底，海鲜锅其实系一个好选择，又有鲜味，又唔会油。今日叫既卜卜蚬鲜蟹鱼汤锅就真系岩晒了，锅底本身己经有蟹，有蚬，店员黎到加入酒将佢爆香，超香，仲有抢火既一刻蟹同蚬既鲜味都出晒黎，由于只系用酒爆一爆就加入鱼汤，所以一D都唔油。然后等一阵焗一焗，就可以享用鱼汤了。立即整一碗鲜蟹蚬鱼汤。 配料方面，今日真系几得几豪下。真系有消费卷先咁豪架咋店员推介今日$88, 一set 原只活鲍鱼+蛏子王,真系货真价实，鲍鱼真系好新鲜，真系活鲍鱼。蛏子亦好大只，里面冇沙，真系唔系正藏货。 手切安格斯肥牛重牛味，入口即溶，而且唔硬，火锅真系要配靓牛先得。而且油份岩岩好，唔太肥唔太瘦，每一片都好均匀 Xo鲍鱼虾饺王 and 香菇韭王带子饺一向都好钟意试下唔同火锅店既特色饺。两款都好正。韭王带子饺，平日韭王多配虾，但今次配带子，里面又真3有两粒带子，味配合得几好。Xo鲍鱼虾饺，Xo味重，所以食左韭黄饺先既，XO好出味，然后里面虾既份量都好大，可以唔洗沾火锅酱料都一样好食。 自家制响铃新鲜炸出黎，吸晒D汁，超正，而且唔会觉得好油