灣景廳

今晚系为家中嘅大当家~父亲大人嘅生日晚餐。 其实呢间酒店餐厅不论家庭聚会或二人世界，平均一年差不多都帮衬十次或以上，甚至今年农历年前嘅团年饭都系喺度食！ 讲番今晚嘅主题就系「蟹」！有好多用蟹入馔嘅食物，冻食海鲜都系一般应有尽有~ 生蚝、蟹脚、青口、沙白、当然加埋配合主题嘅面包蟹，真系够晒选择。小弟自己觉得生蚝较为可取， 可能只得半场食客关系，餐厅又refill得快，所以生蚝源源不绝供应，而且就如相片中所显出又大只够肥美 另外推荐嘅就系刺身部分，其实最基本供应四款~ 三文鱼、吞拿鱼、甜虾、同埋由七点半先供应嘅鲜带子。各款刺身都好新鲜，我觉得食鲜带子简直系回本，形状可以话大个一个五蚊银，甜虾都唔会吝啬，一次过畀一执:约有十只以上。烧肉类有烧牛肉同羊架，两款都皮香肉嫩及带少许脂肪(肥膏)， 又系抵食回本之作，其他如黑松露蟹肉蛋沙律配面包、炸蟹饼、黄金软壳蟹、仲有好多以蟹肉入馔嘅食物不作陈述。每人一客嘅梳乎厘龙虾汤算系「中亭」， 特别甜品有一Round系要打钟通知食客嘅十胜红豆抹茶pancake 都唔错， 饮品都颇多，汽水有可乐及雪碧、鲜橙汁、冻茶、冻啡。热饮就咖啡机、柠茶， 六位以上送一渣啤