影片
更多
2017-08-24
3348 浏览
朋友系疯狂蟹迷，乜种类嘅蟹都好钟意，大闸蟹都一次食几只，仲可以连续几日食都食唔厌。我自己就乜海鲜都咁钟意。下昼两点钟，喺铜锣湾，朋友想食蟹，可以去边食? 我地就拣左Master Kama，全日都有蟹宴供应，仲分日式同西式。铜锣湾咁贵租，但餐厅空间感十足，枱与枱之间好多位置，坐得特别舒服。想坐得仲舒服啲，亦有梳化位，仲有cushion添，好似喺屋企食咁舒服。第一次嚟食，叫左Holy Crab One(西式蟹宴)$538，呢个套餐完全足够两个人食。餐牌写明加钱可以追加蟹盖、龙虾、蓝青口、蒜蓉包。但黑板仲写左可以追加其他野，$188就可以有两只法国膏蟹。 朋友话想追加两只㖞，我一口拒绝，得两个人点食呀?实在太睇得起我……个肚，食完个餐先再决定吧。虽然系西式套餐，但店员先行奉上六小钵，以六小格木盒上枱，日式风格，特别精致。分别有︰酸辣罗勒海蚬、蟹子日式冻豆腐、蟹肉玉子烧 海盐枝豆、虎虾配芒果慕丝、柚子醋海藻沙律蟹肉玉子烧，玉子卷上加上蟹肉，蛋味香浓，简单而鲜味。虎虾配芒果汁同蕃茄粒，酸酸甜甜，清新开胃。芝士蟹肉酿蟹盖，又啖啖蟹肉，食得高雅方便。配上三
铜锣湾咁贵租，但餐厅空间感十足，枱与枱之间好多位置，坐得特别舒服。
想坐得仲舒服啲，亦有梳化位，仲有cushion添，好似喺屋企食咁舒服。
第一次嚟食，叫左Holy Crab One(西式蟹宴)$538，呢个套餐完全足够两个人食。餐牌写明加钱可以追加蟹盖、龙虾、蓝青口、蒜蓉包。
但黑板仲写左可以追加其他野，$188就可以有两只法国膏蟹。 朋友话想追加两只㖞，我一口拒绝，得两个人点食呀?实在太睇得起我……个肚，食完个餐先再决定吧。
虽然系西式套餐，但店员先行奉上六小钵，以六小格木盒上枱，日式风格，特别精致。
分别有︰酸辣罗勒海蚬、蟹子日式冻豆腐、蟹肉玉子烧海盐枝豆、虎虾配芒果慕丝、柚子醋海藻沙律
蟹肉玉子烧，玉子卷上加上蟹肉，蛋味香浓，简单而鲜味。
虎虾配芒果汁同蕃茄粒，酸酸甜甜，清新开胃。
芝士蟹肉酿蟹盖，又啖啖蟹肉，食得高雅方便。配上三文鱼子同火箭菜，顶部插上一片脆口白饭鱼干片。
入面满满芝士同蟹肉，好足料。加$68多一客蟹盖，多人食呢个系必加之选!
蟹肉芬奴意式烤面包，多士上铺满厚厚蟹肉，多士够脆，但蟹肉系冻嘅，如果系热嘅会更啱我口味。
跟住系主角出场 - Master海鲜膏蟹拼盘，配上店方自行调配嘅惹味香草牛油汁，都几浓味，正! 除了法国膏蟹，仲有蚬肉、虾、扇贝、青口、鱿鱼等海鲜︰
海鲜size都算大，绝无欺场。
蟹盖入面都几多膏
仲有好多蔬菜，粟米、薯仔、红萝卜，连少食到嘅椰菜仔(学名﹕抱子甘蓝)都有!
海鲜同蔬菜吸收晒特调酱汁嘅精华
最后系抹茶布甸，抹茶味道浓而清香，微甜，好滑，细细杯，如果呢个有得加配就好! 甜品，我饱饱都仲可以ENCORE架~~
成个套餐两个人食完已经好饱，无「食」力再加配野食!!! 如果三五成群嚟食，套餐追加食物就真系好抵，最化算之选!! 套餐不包饮品，如果有埋优惠价追加就更完美!
张贴
