蟹慶 (已結業)

有去日本旅行既朋友都识得蟹道乐，铜锣湾蟹庆虽然无蟹道乐既规模，不过都系专门食日本蟹既餐厅。餐厅坐落喺铜锣湾SOGO隔离澳门逸园中心地牢，好易揾。星期三晚上八点到餐厅，所有卡位都坐满，只系剩返餐厅中心嘅枱。难得餐厅唔大，但侍应好多，需要服务嘅时候都好快有回应。两个人点左一个中价蟹餐，因为想试个蟹釜饭。头盘系一个两层木架前菜，好得意，有鱼生茄子咁样。第二道菜系蟹茶碗蒸，啲蛋好滑好好味。之后个蟹菜式系蒸日本毛蟹，原只毛蟹帮你剪开晒d壳，蟹膏放喺太盖上面好易食。毛蟹好新鲜，加埋d日本蟹醋真系好好味。除咗蒸嘅蟹之外都有烧嘅鳕场蟹蟹脚，一样鲜甜。天妇罗有虾亦都有蟹脚，仲有个鱼汤，好浓，饮得出用好多鱼肴出来，冇鱼腥味。最后上釜饭，响台面煮大概10分钟之后，捞埋啲黑松露酱就有食啦。套餐包埋既甜品系绿茶布甸。完美。