金苑酒家

营业中

休息中

呢间餐厅系朋友介绍话 地理位置方便 喺旺角地铁站一出就系 而且有个抵食嘅蟹餐🦀 呢个餐包括咗阿拉斯加长脚蟹 同埋两食嘅北京片皮填鸭 所以就约埋多两个朋友 一行四人嚟试试佢叫呢个餐有个要求 要四人以上先可以嗌 仲要至少嗌一碟小菜先得 由于我地系订座嘅时候已经订咗呢个餐 但有位朋友迟咗嚟 店员好心急咁问我地上得菜未 不过我地都系想等齐人一齐开餐🥢阿拉斯加长脚蟹 朋友话冇佢上次嚟食咁大只 但系其实都几新鲜 啲蟹肉都几鲜甜 每一啖都有海水味 尚算okay😮两食嘅北京片皮填鸭 片皮鸭 呢碟片皮鸭唔止系有啲鸭皮 而且每一旧都有好大件鸭肉 同想像中嘅片皮鸭都有少少出入 鸭皮嘅调味都唔错 可惜鸭肉比较干身 加埋青瓜丝同埋葱丝 一齐食会觉得易入口啲🦆生菜包鸭松 由于卖相真系唔系咁靓所以都冇影到相😂 鸭松入面有沙葛 都几爽口 配埋生菜包几fresh 不过生菜个样唔算太新鲜鸳鸯葱爆鳝球 呢碟虽然唔系个套餐嘅其中一碟 但我觉得呢碟系最好食嘅 由于个套餐份量唔算好多 所以呢碟一上枱 我地就挂住食 都冇影到相😿 鳝球系炸过先再用大葱同香葱炒既 非常惹味 而且每件都好大件👍🏻地点够晒方便 下次想再食蟹都可以再嚟嘅