永利威酒業有限公司

营业中

休息中

每逢蟹既季节，自己都会出去餐厅食大闸蟹套餐，因为有人整晒比自己，坐系度就有得食。食得多都会想转下，今年就谂不如买蟹番去自己蒸嚟食。系上环永乐街买几只蟹试下番去自己整，铺头专卖大闸蟹，而且系老字号，就咁睇蟹都有好多唔同价钱，仲有分公乸。拣完蟹见佢地仲系活生生识郁，够晒新鲜。铺头当然仲有其他食大闸蟹会有既野，好似蟹醋，酒等等。番到屋企先洗干净蟹，放几片紫苏叶于蒸锅既水中煮沸，蟹不解水草，肚向上放系盘中隔水猛火蒸20分钟。蒸好已经急不及待去食，首先拣左只公蟹。打开蟹盖已经见到黄色啫喱状既蟹羔向我招手，蟹羔入口口感滑溜，蟹身中间位置同样有蟹羔，所以其实一只蟹已有大量蟹羔。食完蟹羔，再食蟹身同埋蟹脚既肉，十分鲜甜。食完蟹公再食蟹乸，打开蟹盖一样见到蟹羔，但今次就系偏橙色既羔，入口颇有口感，但感觉上羔既份量好似比公蟹还要多。食完蟹，整番杯姜茶当然系指定动作。其实今次都系第一次买大闸蟹番屋企自己整，出嚟既效果又真系拍得住出面食，什至蟹既本身更胜出面餐厅所用既蟹。睇嚟以后每逢蟹的季节我都会系屋企食蟹。