上海姥姥

营业中

休息中

每年上海姥姥都会推出季节限定蟹粉盛宴🦀我咁钟意食蟹当然唔会错过！🥰今年新餐牌有个好浪漫嘅名， 叫✨蟹逅上海🌆，包括咗四款好味而各有特色嘅菜式:🦀 蟹粉小笼包我嘅必食推介！皮薄透光嘅小笼包，上面有蟹粉作点缀，一咬落去，浓香嘅蟹油汤汁喺口入面爆发，真系好味到唔知点形容......🦀 蟹粉龙皇脆肠粉肠粉就食得多，蟹粉煎肠粉真系第一次！煎到金黄嘅虾米肠配上用心制作嘅蟹粉酱汁。每一啖都食得出澎湃的蟹粉，记得趁热食la！🦀 蟹粉龙皇三鲜丸混合鱼肉、虾肉同蟹肉嘅三鲜丸，毫无腥味反而充满鲜味！淋上龙虾汤同埋爆香咗嘅蟹粉，真系非常美味🫖 黑糖姜茶汤丸即叫即搓嘅汤圆非常弹牙，更加系我最爱嘅芝麻馅。食完成个蟹粉盛宴，最啱就系来一碗姜茶作结，暖心暖胃