池記 (已結業)

星期二同朋友嚟左呢度食晚饭,朋友话上次嚟食时已见到有蟹粥好想食,所以就嚟左同佢一齐叫嚟试下啦,我地两个人叫左一个金衣蟹皇粥跟炸鲮鱼球餐,另一个叫左牛筋面+介兰.介兰好快就到,都好青绿及大碟㖞,几爽甜新鲜呀,唔会好老,啱啱好.牛筋面都好味,牛筋唔算好肥,都几多件架,虽然碗面唔系好大,但系都好足料及入味呀.个蟹粥嚟啦,都几大桶㖞.成只蟹架,好足料,只蟹仲要系羔蟹,d粥有些羔系度,好味呀,好绵身及鲜甜呀,只蟹都好好味,好多羔架,又多肉㖞,正呀.炸鲮球都有五粒架,加埋碗蚬蚧酱一齐食,鲮鱼球炸到金黄色,好香口及好味,唔会好鯹.好味及配埋个酱就正呀我见呢度都几多人嚟食晚饭㖞,都几多选择及配撘呀.